أكيد ساعات وانت باصة على البيبي بتاعك بتفكري في سؤال قد ايه من اللي انا بقولوا ده بيتفهم؟ طب هل انا فاهماهم وعارفة هم ايه اللي فاهمينه ولا لا؟ طب ايه أحسن وقت عشان ابدأ اعلمهم؟ في ٣ أسئلة أساسية هتساعدنا نفهم أطفالنا بشكل أحسن… هو بيفكر في ايه دلوقتي؟ ايه اللي هو يعرفوا في الدنيا؟ يقدر يتعلم قد ايه في السن الصغير ده؟ ""البيبى بتاعك أذكى بكتير مما تتخيلي" " سوسان هسبوس، أستاذ في جامعة نورث ويستيرن الأطفال بتتولد بقابلية طبيعية للتعليم ومعندهمش غير شغل شاغل واحد: انهم يطلعوا يكتشفوا العالم اللي حواليهم. الدكتورة ميشيل دي هان، عالمة الأعصاب المعرفي التنموي في جامعة كاليفورنيا لقت ان البيبيهات مش بيستكشفوا الدنيا اللي حواليهم كده وخلاص. كل بيبي له حاجات بيحبها ومبيحبهاش، وده بيبان في الوقت اللي بيبصوا على الحاجة فيه قصاد التانية. كمان أثبت علمياً ان البيبيهات بتفهم الأفعال بالعقل. عشان كده من مسؤولياتنا كأهالي ان احنا نديهم الأدوات اللي هم محتاجينها عشان يكتشفوا العالم اللي هم فيه بآمان وبراحتهم. "كل حاجة في العالم بتبقى جديدة عليهم، وكل حاجة بتتعمل في المخ في الوقت ده." ريبيكا ساكس ، أستاذة في معهد ماساتشوستس للتكنولوجيا الأطفال بيتولدوا بأدوات معينة بتساعدهم يتعلموا أكتر عن اللي حواليهم زي النظر والسمع والشم والحركة والتفاعل. شوية بشوية بيبدأوا يفهموا الألوان والتعبيرات الجسدية وبعد شوية كمان هيبدأوا يعملوا أصوات وحركات وتعبيرات عشان يحاولوا يعبروا لكم عن إحتياجاتهم، وده ممكن تلاقيه بيحصل من أول يوم. “الأطفال بيتعلموا وهم بيلعبوا. أهم حاجة ان الأطفال بتتعلم ازاي تتعلم وهم بيلعبوا." فريد دونالدسون، دكتوراه، عضو مجلس الإشراف، مؤسسة اللعب الأصلي اللعب مش بيكون سهل بالنسبة للبيبيهات! كل مرة الطفل بيلمس أو يحس أو يذوق أو يسمع أو يشوف حاجة جديدة، بيحصل حاجات في مخهم بتخليهم يفهموا الحاجة دي بطريقة أسرع وأسهل المرة اللي جاية. كل ما البيبي بيتعرض لحاجات أكتر ويبدأ يفهمها هيبدأ مخه يشتغل بشكل أحسن. الألعاب اليدوية مثلاً هتساعده يحسن التنسيق بين ايده وعينيه والمهارات الحركية الدقيقة وفهم الأسباب والنتايج. القراية واستخدام الكروت التعليمية بيساعد على نمو عقلهم وعلى تعلم اللغة والمهارات الحركية الدقيقة كمان عشان هيكونوا بيتفاعلوا مع الحاجات دي بايديهم، وده غير انه هينمي عندهم الإدراك البصري والانتباه. لما بنلعب مع أطفالنا ونركز على اهتماماتهم بنساعد في نمو عقلهم للمستقبل. متخافوش من الأدوات اللي زي الكروت التعليمية. مش المطلوب ان البيبي يبدأ فجأة يتكلم، بس كل ما هتبنوا في عقله باستمرار هتساعدوه يوصل للنقطة دي. جربوا الطرق البسيطة زي انكم تقولوا كلمات أو أصوات معينة وتكرروها عشان البيبي يقلدها، وممكن بعدها تشاوروا على الكلمة المكتوبة على الكروت التعليمية عشان يبدأوا يفهموا الكلمات. شوية بشوية ممكن تخلوه يوصل الكلمة أو الصوت بالشكل بتاعها. لما تلاقيه جاهز يعدي المرحلة دي ممكن تبدأي تشتغلي معاه على النطق نفسه. التعليم من خلال اللعب بيدي الأطفال سيطرة وثقة أكتر في التعليم. ممكن تلاقوه بيقود الموضوع بنفسه وبيساعدكم تفهموا الطريقة التعليمية المفضلة له، والأكيد انكم هتلاقوه كل شوية بيفاجئكم باللي بيلحق يتعلموا في وقت قصير. ابدأ في تنمية مستقبل طفلك من النهاردة البطاقات التعليمية لانالو اليوم.
تخطى الى المحتوى