لو انت بقيت أب أو أم لأول مرة، دي رسالة لك… مش خبر جديد على حد ان الأبوة والأمومة صعبين وملهمش دليل أو كتالوج. كلنا بنتمنى ان يكون في كتاب بيشرح كل الحاجات اللي المفروض نعملها واحنا بنربي أولادنا عشان نسهل حياتنا وحياتهم. لما بنخلف، حياتنا بتبدأ تتمحور حوالين ان احنا نمشي ورا غرائزنا وان احنا نحاول نتعلم ونفهم قد ما نقدر ازاي نساعد ولادنا في نموهم بإن احنا نقرأ ونجرب ونتعلم بقدر الإمكان. اللي احنا اتعلمناه من تجربتنا ان مفيش طريقة صح وطريقة غلط لأن كل أب وكل أم عندهم طفل مميز مفيش زيه على وجه الأرض. احنا بنعتبر الأبوة والأمومة رحلة جميلة بنبدأ ناخدها مع ولادة أطفالنا الجمال. يعني ايه التلت الرابع؟مش هم تلاتة بس؟? الدكتور هارفي نيل كارب، اخصائي طب الأطفال الأمريكي وأستاذ مساعد في جامعة جنوب كاليفورنيا وزميل في الأكاديمية الأمريكية لطب الأطفال، هو اللي أطلق مصطلح "الثلث الرابع على أول ١٢ أسبوع بعد الولادة. أول ١٢ أسبوع دول الاساس بتاع نمو طفلك واللي الدكتور كارب بينصحنا فيهم اننا نحاول نصنع لأولادنا بيئة مريحة وآمنة زي الرحم بالظبط عشان ينموا جسدياً وعقلياً بطريقة صحية ومريحة ليهم. المفروض نعمل ايه بقى في التلت الرابع ده؟ أكيد بالنسبة لنا بيكون صعب ان احنا نسمع أطفالنا وهم بيعيطوا في البيت، صح؟ بس لو انت في موقف انك في مكان أوسع بكتير من اللي انت متعود عليه من غير ضربات القلب اللي انت متعود عليها وفي درجة حرارة مختلفة تماماً ولابس لبس مختلف بملمس جديد علي بشرتك، هتكون مبسوط؟ أكيد لا… اقرأ النصايح اللي جاية دي بتمعن عشان تخلي التلت الرابع بتاع ابنك أو بنتك أسهل ما يكون. ١. اتأكدي ان البيبي مطمئن من ناحية بابا وماما بعد ٩ شهور في الرحم، طبيعي ان يكون البيبي جاله فرصة انه يتعود على مامته ويكون مرتاح معاها، ومش لازم ان يكون بيتعود بالسرعة والسهولة نفسها على باباه. أي بيبي بيتولد بيكون نفسه انه يقرب لكم ويحس ان انتوا مهتمين به ومخليين بالكم عليه. اتأكدي ان تدي البيبي فرصة انه يقعد مع كل حد فيكم على انفصال ومع بعض عشان يتعود على أصواتكم وروائحكم وطريقتكم في حبه. ٢. اللعب Peek-A-Boo الألعاب اللذيذة زي الغميضة مهمة أوي في نمو الأطفال. لما بنلعب مع أطفالنا احنا بنبني معاهم نمو مخهم وطريقتهم في التواصل وثقتهم في نفسهم. مهما كان اللعب ايه، سواء كان ان احنا نعمل وشوش غريبة ونضحك معاهم أو بألعاب تعليمية زي كروت لانالو، الألعاب الآمنة اللي فيها ألوان كتير وشكل وملمس لطاف بيخلي الأطفال يركزوا ويهتموا أكتر باللي بيحصل. ده غير بقى ان اللعب بيتعبهم ويخليهم جاهزين أكتر للنوم، وده هيخليك انت كمان تعرف تنام أحسن. ٣. طقوس النوم الصحية معظم الأهالي اللي نعرفهم عندهم نقص كبير أوي في النوم. الأطفال أول ما بيتولدوا بيناموا من ١٦ ل٢١ ساعة في اليوم، وبيكون صعب أوي بالنصبة للأب والأم انهم يتعودوا على النوم في أوقات مناسبة. من أول يوم لك مع طفلك، حاول تفهم ايه العلامات اللي بتبان عندهم لما يكونوا جاهزين يناموا. ده ممكن يكون ان العين تبدأ تحمر شوية أو انهم يبقوا مش قادرين يقعدوا ثابتين أو طاقتهم أقل من العادي، وده بعد ما تتأكد ان دي مش علامات للجوع. ممكن بردو تجرب الطريقة اللي اخترعها الدكتور كارب أول كام أسبوع دول بيكونوا صعبين شوية وناقصين راحة ونوم، بس الأيام بتجري وهتصحى في يوم من الأيام تلاقي ابنك بيلعب بألعاب بتاعة الكبار وبيدخلوا المدرسة والجامعة لحد ما تلاقيهم في يوم من الأيام بيستقلوا بذاتهم. أهم درس الأمومة علمتهولي هو أن الأمومة لازم نبص عليها كحاجة منظمة عشان نفضل هاديين واحنا بنعدي بالمشاكل اللي أكيد هتعدي علينا. أطفالنا ممكن يعلمونا كتير جداً عن الحياة لو احنا ركزنا معاهم.
تخطى الى المحتوى