أول لما بقيت أم مكنتش أتخيل كمية المعلومات اللي كنت محتاجة اعرفها وأتعلمها عن الأمومة ونمو الأطفال. كل الأهالي عايزين يعملوا أحسن حاجة يقدروا عليها عشان خاطر ولادهم، بس يعني ايه "أحسن" اصلاً في حاجة بالتعقيد ده؟ إزاي أعرف لو اللي بعمله كفاية؟ أبدأ منين أساساً؟ كنت بقرأ كتب كتير عن الأمومة والتربية وانا حامل. من أكتر الكتب اللي حبيتها وفضلت معلمة معايا كان كتاب اسمه “Kindergarten Is too Late” للكاتب ماسارو ايبوكا، واحد من مؤسسين شركة سوني. من أهم الرسايل الموجودة في الكتاب ده ان أحسن سنين للتعليم بالنسبة للأطفال هم من وقت الولادة لحد ٣ سنين. دي كانت مفاجأة بالنسبة لي عشان مكنش ده اللي اتربينا عليه طول عمرنا، بس الكتاب ساعدني أفهم الموضوع كويس لأنه كان عنده طريقة مبتكرة وبسيطة في شرح التربية وازاي نساعد أولادنا يكونوا شخصيتهم من الأول خالص. كنت بقرأ كتب كتير عن الأمومة والتربية وانا حامل. من أكتر الكتب اللي حبيتها وفضلت معلمة معايا كان كتاب اسمه “Kindergarten Is too Late” للكاتب ماسارو ايبوكا، واحد من مؤسسين شركة سوني. من أهم الرسايل الموجودة في الكتاب ده ان أحسن سنين للتعليم بالنسبة للأطفال هم من وقت الولادة لحد ٣ سنين. دي كانت مفاجأة بالنسبة لي عشان مكنش ده اللي اتربينا عليه طول عمرنا، بس الكتاب ساعدني أفهم الموضوع كويس لأنه كان عنده طريقة مبتكرة وبسيطة في شرح التربية وازاي نساعد أولادنا يكونوا شخصيتهم من الأول خالص. من يوم ما قريت الكتاب ده وانا بحاول أتعلم أكتر وأكتر عن التربية ونمو الأطفال. بدأت بإني كنت بطبع كروت تعليمية بسيطة ومناسبة لسن بنتي عشان أساعدها في نمو عقلها ونمو شخصيتها. مع كل فترة بتعدي كنت بطبع كروت أكتر مناسبة أكتر للمرحلة اللي بنتي فيها، ومن هنا جت فكرة اني اخترع براند بيمكن الأهالي انهم يساعدوا أطفالهم على التعلم الإيجابي واللعب والأهم من كل ده التواصل بينهم وبين أولادهم. عشان كده انا عملت لانالو. لما جبنا لانا، كل طاقتنا وتركيزنا بقت معاها، وعشان كده سمينا البراند بتاعنا لانالو… مش من قلة الأسامي بس احنا كنا عايزين نعملها حاجة تفرح بيها لما تكبر وحاجة تفكرنا نعمل دايماً أحسن ما عندنا عشان خاطر ولادنا. كل يوم كنت بحط للانا كروت قدامها عشان أفهمها أكتر… كنت عايزة افهم ايه اللي بيشدها وازاي هي بتحب تتفاعل مع الحاجات المختلفة اللي حوليها في الدنيا. الكتب مهمة جداً في التعليم ده أكيد، بس في السن الصغير ده، الكروت كانت سهلة بالنسبة لها ان هي تمسكهم بنفسها وتكتشف اللي موجود فيها. حسيت ان التجربة دي ساعدتها كتير في انها تتحاور معايا وتفهمني هي عايزة ايه من غير ما تحتاج تتكلم. مهمة لانالو الأساسية انها تدي فرصة لكل طفل في كل مرحلة عمرية انهم يطوروا مواهبهم بإننا نوفر لهم المعدات الأساسية اللي هم محتاجينها عشان يتعلموا بطريقة ناجحة وبتزود قيمة في حياتهم. -هدفنا اننا نحول العالم لمكان ممكن الأطفال تفكر وتتعلم وتفهم نفسها والعالم اللي هم عايشين فيه، والأهم من كل ده انهم ينبسطوا ويلعبوا ويستمتعوا بطفولتهم.
تخطى الى المحتوى