لو محتارة ايه السن المناسب أو الكروت المناسبة للمرحلة اللي ولادك فيها، ده الدليل اللي انتي محتاجاه عشان تستخدمي الكروت التعليمية وتستفيدي منها في تنميتهم. ممكن تكوني شفتي صحابك بيستعملوا الكروت التعليمية مع ولادهم في البيت أو حتى شفتي الكروت الملونة دي في حضانات كنتي بتفكري تدخلي أولادك فيهم. بس هل الكروت التعليمية فعلاً مفيدة وبتنمي الذكاء زي ما بيقولوا؟ الدليل ده هيساعدك تفهمي كل حاجة… ايه السن المناسب عشان استخدم الكروت التعليمية مع ولادي؟ مفيش وقت معين هو المثالي عشان تبدأي تعرضي ابنك أو بنتك للكروت التعليمية. البيبيهات بيكونوا جاهزين يستكشفوا الدنيا من أول يوم بعد الولاده. ايه اللي ابني أو بنتي هيتعلموه من الكروت التعليمية؟ استخدام الكروت التعليمية وقت اللعب مع ولادك هيساعدهم يتعلموا فكرة التعليم من خلال اللعب لأنه: بيساعد في نموهم الفكري والعقلي بيشجعهم على الاستكشاف وبيزود وعيهم عن العالم اللي هم فيه بيحسن المهارات الحركية الدقيقة بيسهل عليهم التعليم عشان الكروت بتكون ممتعة ومسلية لهم وبتشجعهم أنهم يفكروا بنفسهم من سن صغير بيحسن ثقتهم في نفسهم بيوطد العلاقة بين الطفل وأهله هل في مكان أو وضع مثالي عشان أخليهم يركزوا؟ أهم حاجة ان المكان اللي تختاريه يكون مريح بالنسبة لطفلك وميكونش فيه الهاءات تانية ولا يكون مكان طفلك متعود يعمل فيه نشاطات تانية. افرشي له الكروت على سطح مستوي يقدر انه يطوله بسهولة عشان يعرف يلمس ويحرك الكروت براحته ويركز مع الألوان ويتواصل معاكي. المفروض استخدم الكروت التعليمية كل قد ايه؟ زي حاجات تانية كتير مع البيبيهات، أهم حاجة التكرار والاستمرار. ابدأي معاه بالراحة حسب سنه وقدرته على الاستيعاب وزودي تدريجياً. لو طفلك مثلاً عنده ٦ شهور ممكن تستعملي معاه الكروت التعليمية كل يوم لمدة ٥ دقائق وتركزي على التكرار في الأصوات والألوان. لو طفلك أكبر شوية ممكن يلعب بيها ٣٠ أو ٤٠ دقيقة ويحاول انه يجمع الكروت المتشابهة مع بعض (مثلاً ممكن تخليه يجمع كل كروت الحيوانات مع بعض وكل كروت الخضروات والفواكه مع بعض عشان يبقى فاهم الفرق ما بينهم.) أعرف منين أحسن نوع من الكروت التعليمية؟ أول حاجة تفكري فيها اللغات اللي عايزة تعلميها لطفلك عشان مش كل الكروت بتتعمل بلغات كتير. غير كدة مهم جداً ان الكروت تكون بتتني بسهولة وبأطراف مستديرة عشان ميتعوروش منها. حاولي تدوري على كروت عليها تصميمات كبيرة وملونة عشان يكونوا سهلين بالنسبة لطفلك ويشجعوه على اللعب بيها. الأهم من كل ده انك متنسيش انك تستمتعي! احنا عارفين ان الغرض الأساسي من الموضوع ان انتي تعلمي طفلك وتساعديه ينمي عقله وتفكيره، بس المتعة واللعب بيخلوا التعليم أسهل بكتير بالنسبة للأطفال. اشتري كروت لانالو التعليمية من هنا وابدأي رحلة ابنك أو بنتك التعليمية بكروت فيها ٤ لغات مختلفة منها اختيارات ثلاثية وثنائية وأحادية اللغة عشان تعرفي تعلميه بكل اللغات اللي نفسك يتعلمها.
تخطى الى المحتوى