اتعرفي ازاي تعلمي وتتحكمي في الوقت اللي طفلك هيقضيه قدام شاشة الموبايل في عالمنا التكنولوجي. في العصر التكنولوجي وخصوصا من بعد جائحة كورونا, أداة الاتصال الرئيسية أصبحت التكنولوجيا بنستخدمها للتواصل , للمدرسة او للشغل. الأطفال دلوقتي لازم يتعلموا من صغرهم ازاي يتعاملوا مع التكنولوجيا. كأب أو أم ازاي تتأكد ان طفلك بيعرف يتعامل صح مع التكنولوجيا من غير ما يتعرض للآثار الجانبية منها؟ اقرأ عشان تعرف اكتر. ليه أصبحت التكنولوجيا الذئب الشرير؟ وقت لعب الأطفال بالموبايلات بقى اسهل طريقة لتسليته. ممكن تلاقي الأطفال ماسكين الموبيلات قدامهم فى المطاعم او المولات عشان يفضلوا ساكتين ومستمتعين. السمعة السيئة لوقت اللعب بالموبايلات بسبب أن الأطفال ممكن يقضوا وقت طويل بيتفرجوا على محتوى غير مناسب. الأطفال ما بين عمر 0-2 بيستهلكوا اكتر من 3 ساعات قدام الشاشات في اليوم. الرقم دة تضاعف فى آخر قرنين. تقضية الطفل وقت زائد قدام الشاشات ممكن يقلل من قدرتهم على التخيل والفضول ويتدخل في قدرتهم انهم يستوعبوا العالم الحقيقي. دلوقتي الدراسات الحديثة بتبين حاجات مختلفة في 1950, وقت ظهور التليفزيون, الآباء بردو كانوا خايفين ولادهم يبقوا مدمنين التليفزيون, اتكلم رولد دال على الموضوع ده في روايته سنة 1964 ، تشارلي ومصنع الشوكولاتة: "لذا من فضلك ، من فضلك ، اذهب وارمي جهاز التلفزيون الخاص بك بعيدا ، وفي مكانه يمكنك تثبيت رف كتب جميل على الحائط. " ومع ذلك ، بينت دراسات كتيرة أن المخاوف دي كانت في غير محلها طالما أن الآباء بيشرفوا على نوع المحتوى والوقت اللي بيقضيه أطفالهم قدام الشاشات. "ليس وقت الشاشة هو المهم ، ولكن المحتوى الذي يتم استهلاكه وسياقه هو الذي يؤثر على رفاهية الفرد". " فيشنو كارثيك ، جامعة هارفارد ، تلقى تعليمه في العقل والتعليم. إزاي ممكن اظبط الوقت اللي ابني هيقضيه قدام الشاشة؟ لازم نبقى قدوة للاستخدام الصحيح للتكنولوجيا طفلك الصغير هيقلدك في كل الصفات بتاعتك، عشان كدة لما تيجي تتفرجي على حاجة لازم تبقي قدوة لطفلك وتتحكمي في الوقت اللي بتتفرجي فيه ، ومتخليش الأفلام تفضل شغالة في الخلفية في المنزل طول اليوم ... وطفلك هيعمل زي اللي بتعمليه. شاركي طفلك في وقت اللعب والمشاهدة بدل ما نستخدم الشاشات انها حاجة بتلهي الأطفال, نستخدمها كوسيلة للتعليم والتسلية والتواصل مع طفلك , راقبي ايه الحاجات اللي طفلك بيستمتع وهو بيتفرج عليها. مثلا, لو هو بيتفرج على كارتون مكانه في الغابة, خرجيه في مكان وحولي الحاجات اللي بتحصل في الكارتون لتجربة حقيقية تعملوها مع بعض تتسلوا بيها وتتعلموا منها. اعملي روتين اليوم الملئ بالأنشطة والمرح هيخلي طفلك عنده طاقة أقل يقضي بيها وقت قدام الشاشات, اتأكدي من وجود روتين ثابت ليوم طفلك موجود فيه انشطة كتيرة يعملها بتشغل حواسهم وتساعدهم على الاستكشاف, بالطريقة دي الوقت اللي هيقضوه قدام الشاشات هيبقى جزء من يومهم مش نشاطهم الأساسي. شجعي طفلك على أنه يبقى صانع القرار عشان تقدري تخلي طفلك يستخدم الموبايل في أوقات محددة، اسمحي لطفلك انه يشارك في وضع حدوده الخاصة. بالطريقة دي ، القرار هيجي منهم بدلاً من إعطاءه تعليمات سلبية؛ ودة هيؤدي إلى تحسين ثقتهم بنفسهم وقدرتهم على اتخاذ القرار. عشان تعرفي اكتر عن التربية الإيجابية؟ شوفي جزء المقالات كاملة لنصائح تعليمية اكتر او تسوقي كروت لانالو التعليمية وابدأي تعليم طفلك بطرق مسلية ومفيدة!
تخطى الى المحتوى