اكيد اول يوم مدرسة بيبقى مرحلة جديدة في حياة اي اب او ابن. وزي ما الاباء ليهم شوية مخاوف وتحديات زي نوع الاكل اللي هيحضروه لأولادهم كل يوم او ازاي هيودوا الاطفال ويرجعوهم كل يوم من المدرسة, الاطفال بردو ليهم افكارهم ومخاوفهم, زي انهم هيفضلوا معظم اليوم بعيد عن اهلهم وانهم هيواجهوا العالم الخارجي لوحدهم.عشان كدة واجبنا كآباء اننا نعمل كل حاجة نقدر عليها عشان نخلي المرحلة الجديدة دي تعدي بسهولة.

وعشان نقدر نجهز اولادنا لمرحلة المدرسة لازم نقسم الحاجات اللي هنعملها ل3 خطوات مهمة: اول حاجة اننا نجهزهم للمذاكرة والتعليم, تاني حاجة اننا نخليهم يتعاملوا مع أنواع مختلفة من الناس وتالت حاجة اننا نخليهم اجتماعيين ويكونوا صداقات. كل خطوة من الخطوات دي ممكن نعملها بطرق مختلفة هنكلم فيهم.

 

1- طرق تساعدي بيها طفلك يستعد ل التعليم والمذاكرة

برغم اننا متعودين على اننا نهتم اكتر بالرياضة او المهارات الاجتماعية لكن التعليم يعتبر جزء مهم من نمو اولادنا عشان كدة لازم يبقى من اهم الاولويات بالنسبة لنا.

• لازم نحاول نقرأ قصص كل يوم لأولادنا ونسألهم فيها بعدها.
• نساعدهم ونعودهم على كتابة الحروف والكلمات.
• وكمان نتكلم معاهم دايما ونفهمهم كمان قواعد الاتصال.
• شجع طفلك انه يسمعك ويسمع كلام الناس الكبيرة ويبقى جزء من الحوار عشان نحسن مهاراتهم الاجتماعية.
• حاول تدخل حاجات ممتعة كتير في وقت المذاكرة زي انكوا تغنوا او ترقصوا او تدخلوا المذاكرة في انشطتهم المفضلة.
• استخدم ادوات التعليم مع طفلك حتى قبل ما يبدأ المدرسةالكروت التعليمية في لانالو هتساعدك في تعليم طفلك بطريقة ممتعة ومفيدة, ومتوفرة ب4 لغات مختلفة.
• وانتوا في الشارع حاولوا تعلموهم الالوان لما تشاوروا على اي حاجة حواليكوا وتقولوا مثلا: "الشجرة الخضراء دي حلوة اوي" ,او "المياه الزرقاء شكلها جميل" .
• استخدم الارقام دايما مع طفلك وعد معاه اي حاجة حواليكوا زي عدد الألعاب او عدد الأشخاص في المكان, دة هيساعد في تحسين ذكاء طفلك من سن صغير.
• حاول تخلي طفلك يشوف صور لمدرسته قبل ما يروح عشان يبقى عارف شكل المكان ويبقى مرتاح اكتر لما يروح اول يوم.
• اسأل طفلك عن الحاجات اللي مخوفاه من المدرسة زي انه يبلل نفسه او ميبقاش عنده اصحاب او المدرسين ميكونوش مريحين, اتكلم معاه في الحاجات دي وحلوها مع بعض او قول لطفلك ازاي يتصرف في المواقف دي او يقدر يطلب المساعدة من مين.

 

2- طرق تعلمي بيها طفلك ازاي يدافع عن نفسه

في العصر اللي احنا فيه عارفين ان التنمر منتشر بكل انواعه, وعارفين ازاي ممكن يأثر على صحة الطفل النفسية, افضل طريقة للتعامل مع التنمر هي اننا نمنع حدوثه من الأول, ودي حاجات ممكن نعملها عشان نساعد اطفالنا انهم يبعدوا عن التنمر:

• نحضر ردود نقولها لأي متنمر, الردود دي لازم تبقى واضحة ومباشرة من غير عداوة.
• ساعد طفلك انه يمارس لغة الجسد زي انه يبص لأصحابه ويشوف لون عينهم, دة هيساعدهم انهم يبقوا رافعين راسهم ويبانوا انهم واثقين من نفسهم.
• تواصل دايما مع طفلك واساله يومه كان عامل ازاي ولو في شخص دايقه, اسمعه باهتمام ورد عليه بهدوء عشان تبني علاقة بينكوا ويبقى دايما بيحكي كل حاجة بتحصل له من غير ما يكون خايف من ردة فعلك.
• ابني ثقتهم من خلال تشجيع هوياتهم ويمارسوا الرياضة اللي بيحبوها, واتكلم دايما مع طفلك عن الصفات اللي بتحبها فيه.
• حاول انك تتكلم بشكل ايجابي دايما مع طفلك هيستجيب ليه اكتر من العقاب, lanalou affirmation calendar هتساعدك في بناء شخصية طفلك.
• علمهم ازاي يتعاملوا مع المتنمرين بشكل صحيح ويتصرفوا بشجاعة.

 

3-طرق تساعدي بيها طفلك يبقى اجتماعي ويكوِّن صداقات

تكوين الصداقات مهم جدا لتكوين ادراك ووعي طفلك الاجتماعي. والصداقات ايضا مهمة لرفاهية طفلك وسعادته. عشان كدة لازم نساعد اطفالنا على تكوين وبناء الصداقات وانقاذها كمان!

• علم طفلك التصرفات الإيجابية علمهم انهم يكونوا ودودين بأنك تتصرف بالطرق دي قدامهم.
• رعاية تعاطف طفلك وقدرته على قراءة الأشخاص من حولهم. هنالك الكثير نمي قدرات طفلك على التعاطف مع الناس, في تمارين موجودة اونلاين هتساعدك في تنمية القدرات دي عند طفلك .
• ساعد طفلك انه يتغلب على أي سلوك عدواني, هذه المقالة بتلخص 5 طرق تعملها عشان تساعد طفلك.
• اعزمي أصدقاء طفلك في المنزل عشان يمارسوا الأنشطة ويساعدوا بعض فيها من غير منافسة.
• علمي طفلك ازاي يتناقش ويوصل لحلول وسط.
• علمي طفلك انه يعتذر لو عمل اي اخطاء, وفهميهم ان الاعتذار مش ضعف لكن بيبين قوتهم.
• وكمان علميهم ان الاعتذار مش كفاية وانهم لازم يتعلموا من اخطائهم و ميعملوش الاخطاء دي تاني.

 

4- حاجات لازم تتجنبيها قبل اول يوم مدرسة

• لو حاسس انك متوتر من اول يوم مدرسة لطفلك, حاول متنقلش الاحساس دة لطفلك.
• متقولش اى حاجة سلبية عن ايامك في المدرسة لطفلك عشان ميتأثرش بالكلام السلبي زي "كنت بكره أيام المدرسة" دي حاجات هتأثر على نفسية الطفل.
• وبردو منبالغش اننا نشكر في المدرسة علشان منعليش الطموحات عند الاطفال وتنتهي بخيبة امل لما متقابلش طوقعاتهم.
• وآخر حاجة منخليش موضوع المدرسة هو محور الكلام ونتعامل معاه انها حاجة لابد منها اكتر من انها خطوة كبيرة وانتقالية في حياة طفلك.

 

5- قائمة لأول اسبوع مدرسة

التحضير للمدرسة مش بس مهم لطفلك, انتي برضو محتاجة انك تحضري لهم كل حاجة هيحتاجوها من قبلها. عشان كدة في اول اسبوع في المدرسة وانتو بتحاولوا تكتشفوا كل حاجة, دي قائمة من أهم الحاجات المفروض تعملوها في أول أسبوع:

• اتفقوا على مواعيد التوصيل للمدرسة والمرواح, طفلك لازم يبقى عارف التفاصيل دي كويس.
• حضري كل أدوات ومستلزمات المدرسة من قبلها, اتأكدي من لبس المدرسة, الكتب, الكشاكيل والاقلام.
• اكتبي اسم طفلك على كل ادواته المدرسية. دي حاجة مهمة جدا تعمليها مع اللانش بوكس, المقلمة,و شنطة المدرسة.
• خططي لو كنتى هتوصلي طفلك لحد الفصل او بس لحد باب المدرس.
• حضري الوجبات الصحية لطفلك من قبلها وخليها دايما جاهزة.
• راقبي سلوكهم في الاسبوع الاول عشان تعرفي لو في اي حاجة اتغيرت فيهم, وطبيعي جدا ان دة يحصل, لأنهم هيبقوا مرهقين اكتر عن الطبيعي, ف لازم تراقبي كل التغيرات.

 

وعلى الرغم من ان القائمة دي مش شاملة كل حاجة, لكن هي ببساطة بتديكي فكرة عن الحاجات اللي المفروض تفكري فيها علشان توفري الراحة والسعادة لطفلك في اول اسبوع من المدرسة. ولو عندك اقتراحات لأي حاجة المفروض نضيفها للقائمة, متتردديش انك تتواصلي معانا على صفحتنا على الانستجرام.Instagram!

إذا لم تقم بعد ، فلا تنس التحقق من ذلك ولو معندكيش متنسيش تشوفي مجموعاتنا التعليمية المصممة لتعزيز نمو طفلك بطريقة مسلية تحفز كل حواسهم.